Ang pananakit sa kababaihan at kabataan ay ang iyong kaligayahan?

 “Ang karahasan laban sa kababaihan ay isang patunay na hindi pantay ang turing noon pa man sa pagitan ng kalalakihan at kababaihan at na isa sa mga mapanganib na pamamaraan sa lipunan ang karahasan laban sa kababaihan kung saan sapilitang nalalagay sa mas mababang posisyon ang babae kaysa sa mga lalaki. “Nangyayari sa buong daigdig ang karahasan laban sa kababaihan. Wala itong pinipiling lipunan o kultura. Isa sa bawat tatlong babae sa buong mundo ay masasabing nabugbog, pinilit sa pakikipagtalik, o kaya naman ay minaltrato sa tanan ng kanyang buhay na ang umaabuso ay madalas kilala ng biktima.”

Ginagamit ang taguring karahasan laban sa kababaihan, na nakikilala sa Ingles bilang violence against women (VAW), upang tukuyin ang lahat ng uri ng karahasang ginagawa laban sa kababaihan. Masasabing isa itong krimeng bungi ng poot o pagkasuklam dahil tinatarget nito ang isang partikular na grupo na ang kasarian ng biktima ang pangunahing motibo. Ang uri ng karahasang ito ay nakabatay sa kasarian. Nangangahulugang ang karahasan ay ginagawa laban sa kababaihan sa malinaw na dahilang sila ay babae o bilang resulta ng pagkilala sa kalalakihan bilang mas nakatataas sa lipunan.

Ayon sa datos ng PNP na ipinresenta ng Philippine Commission on Women sa Kamara, nakapagtala ang pulisya ng 1,425 kaso ng gender-based violence sa buong bansa. Kabilang dito ang karahasan sa mga kababaihan at bata, tulad ng pambubugbog na umabot sa 1,184; 122 kaso ng panggagahasa; at 90 kasong acts of lasciviousness o iba pang uri ng pambabastos. Pinakamarami ang nai-report na karahasan sa mga babae sa Region 7 o Central Visayas na umabot sa 407, 122 naman sa Region 6 o Western Visayas, 113 sa Region 4-A o Calabarzon, 112 sa Region 13 o Caraga, habang 104 naman ang naitala sa Metro Manila. Hindi pa malinaw kung mas mataas ang kaso ng karahasan sa panahon ng quarantine period pero nakikita ng PCW na posibleng mas mataas umano ang numero dahil may iba pang nagpasaklolo sa mga NGO, barangays, Women and Children Protection Units, Social Welfare and Development Officers, at iba pang services agencies.

Ayon sa 2013 National Demographic and Health Survey na isinagawa ng Philippine Statistics Authority, 1 sa bawat limang kababaihan, edad 15-49 ang nakaranas ng pisikal na pang-aabuso. Nais nating bigyang diin na hindi lamang limitado sa pisikal na pang-aabuso ang violence against women. Maaari rin itong sa paraang berbal, sekswal, sikolohikal at ekonomikal. Ayon din sa nasabing ulat, isa sa bawat apat na kababaihan ang nakaranas ng emosyonal, pisikal at sekswal na karahasan mula sa kanilang asawa. Lumabas na 30% lamang ang nagsumbong o humingi ng tulong para mahinto ang karahasan.

Seksyon 1. Maikling Pamag
at.- Ang Batas na ito ay kilala bilang "Republic Act No. 9262 Anti-Violence Against Women and Their Children Act of 2004.”

Sinabi sa Seksyon. 2. Pagpapahayag ng Patakaran.- Ipinahayag dito na pinahahalagahan ng Estado ang dignidad ng kababaihan at mga bata at ginagarantiyahan ang buong paggalang sa mga karapatang pantao. Kinikilala din ng Estado ang pangangailangang protektahan ang pamilya at ang mga kasapi nito partikular ang mga kababaihan at bata, mula sa karahasan at mga banta sa kanilang personal na kaligtasan at seguridad.

Ang mga karahasan sa kababaihan ay sanhi ng mababang pagtingin ng isang lipunang pinaghaharian ng patriarkal na kaisapan. Sa lipunang ito nakikita ang mga babae bilang mahihina, hindi lamang sa pisikal na aspeto ngunit pati sa antas emosyon at kaisapan. Bunsod nito, iba't ibang karahasan ang nararanansan ng mga kababaihan.

Isinulat ni John Lerry R. Manalo

Source:

• https://prezi.com/wiiwhwfubs3e/mga-suliranin-sa-ating-lipunan/

• https://tl.wikipedia.org/wiki/Karahasan_laban_sa_kababaihanhttps://news.abs-cbn.com/news/06/03/20/higit-1400-kaso-ng-karahasan-sa-kababaihan-bata-habang-lockdown-naitala-pnp

• https://pcw.gov.ph/mensahe-ng-philippine-commission-on-women-ukol-sa-national-consciousness-day-for-the-elimination-of-violence-against-women-and-children/